ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Դորտմունդի «Բորուսիա»-ի կիսապաշտպան Մարկո Ռոյսը մրցաշրջանի ավարտին կհեռանա գերմանական ակումբից:

«Արմենպրես»-ի հաղորդմամբ` այս մասին հայտարարել է ֆուտբոլիստը:

Ռոյսը կհեռանա «Բորուսիա»-ից ընթացիկ մրցաշրջանի ավարտին: Կիսապաշտպանը դորտմունդյան ակումբի կազմում հանդես է գալիս արդեն 12 տարի: 2012 թվականից մինչ օրը կիսապաշտպանն ընդհանուր առմամբ «Բորուսիա»-ի կազմում մասնակցել է 424 խաղի:

«Կյանքիս կեսն անցկացրել եմ այս ակումբում և վայելել եմ ամեն օրն այստեղ, անգամ ամենադժվարին օրերը: Հիմա փորձելու եմ կենտրոնանալ մեզ համար որոշիչ առաջիկա խաղերի վրա` գիտակցելով` մեծ դժվարությամբ եմ հրաժեշտ տալու մրցաշրջանի ավարտին»,-ասել է Ռոյսը: