Իսրայելի վարչապետը հավանություն է տվել Ռաֆահում ռազմական գործողության պլաններին
19:05, 15 Մարտ, 2024ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ։ Իսրայելի վարչապետ Բենյամին Նեթանյահուն հավանություն է տվել Եգիպտոսի հետ Գազայի հատվածի սահմանին գտնվող Ռաֆահ քաղաքում ռազմական գործողությունների պլաններին: Ինչպես տեղեկացնում է «Արմենպրես»-ը, այս մասին հայտնել է Իսրայելի կառավարության ղեկավարի գրասենյակը։
Գրասենյակում նշել են, որ Իսրայելի բանակը պատրաստ է օպերատիվ գործողություններ մեկնարկել Ռաֆախում և սկսել տեղի բնակչության տարհանումը:
Դրա հետ մեկտեղ Նեթանյահուն մերժել է Գազայում պահվող իսրայելցի պատանդներին ազատ արձակելու վերաբերյալ պաղեստինյան ՀԱՄԱՍ շարժման հետ համաձայնության մասին ընթացիկ առաջարկը ՝ այն անվանելով անհիմն:
Իսրայելը մտադիր է շարունակել բանակցային գործընթացը՝ պատվիրակություն ուղարկելով Դոհա։