ՀՀ նախագահի գլխավորած պատվիրակությունը ժամանեց Էրբիլ
11:13, 29 Փետրվար, 2024ԷՐԲԻԼ, 29 ՓԵՏՐՎԱՐԻ, ԱՐՄԵՆՊՐԵՍ։ Հայաստանի նախագահ Վահագն Խաչատուրյանի գլխավորած պատվիրակությունը ժամանեց Էրբիլ։ Օդանավակայանում նախագահին դիմավորեց Իրաքյան Քուրդիստանի նախագահ Նեչիրվան Բարզանին:
Ինչպես հաղորդում է «Արմենպրես»-ի թղթակիցը, Էրբիլում ՀՀ նախագահը հանդիպումներ կունենա Իրաքյան Քուրդիստանի շրջանի պատվավոր նախագահ Մասուդ Բարզանիի, նախագահ Նեչիրվան Բարզանիի, փոխվարչապետ Քուբաթ Թալաբանիի հետ։
[gallery id= 67730]
Վահագն Խաչատուրյանը կայցելի նաև Էրբիլի պատմական միջնաբերդ, շրջայց կկատարի Աինկավայի հայկական եկեղեցում։
Այցի ավարտին ՀՀ նախագահը կհանդիպի Իրաքյան Քուրդիստանի հայկական համայնքի ներկայացուցիչների հետ։
© 2009 ARMENPRESS.am