Ադրբեջանական լրատվամիջոցները հայտնել են Բակո Սահակյանի, Արկադի Ղուկասյանի և Դավիթ Իշխանյանի «ձերբակալման» մասին
18:24, 3 Հոկտեմբեր, 2023ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ։ Ադրբեջանական լրատվամիջոցները լուրեր են շրջանառել ԼՂ նախկին նախագահներ Բակո Սահակյանի, Արկադի Ղուկասյանի, ինչպես նաև Ազգային ժողովի նախագահ Դավիթ Իշխանյանի «ձերբակալման» մասին։ Հավանաբար, խոսքը ԼՂ պաշտոնատար անձի հերթական ապօրինի առևանգման մասին է:
«Արմենպրես»-ի թղթակցի հետ զրույցում ԼՂ ԱԺ պատգամավոր Մետաքսե Հակոբյանը հայտնեց, որ առայժմ որևէ տեղեկություն չունի նրանց վերաբերյալ, քանի որ արդեն մի քանի օր հնարավոր չի եղել կապ հաստատել։