ԵՐԵՎԱՆ, 27 ՀՈւՆԻՍԻ, ԱՐՄԵՆՊՐԵՍ։ Հայաստանի Ազգային ժողովի փոխնախագահ Հակոբ Արշակյանի նախագահությամբ հունիսի 27-ին գումարվել է ԱԺ խորհրդի արտահերթ նիստ, որտեղ որոշվել է, որ  ժամը 11-ին արտահերթ նստաշրջան է գումարվելու:

«Արմենպրես»-ին ԱԺ-ից տեղեկացրին, որ խորհուրդը համաձայնություն է տվել 2022 թ. հունիսի 27-ին ժամը 11:00-ին, նախաձեռնողի սահմանած օրակարգով եւ ժամկետում Ազգային ժողովի արտահերթ նստաշրջան գումարելուն:

Օրակարգում 6 հարց է, որոնցից երեքը Վճռաբեկ դատարանի վարչական պալատի դատավորի թափուր տեղի համար առաջադրված 3 թեկնածուների ընտրությունն է: