ԵՐԵՎԱՆ, 15 ՀՈՒՆՎԱՐԻ, ԱՐՄԵՆՊՐԵՍ: Բրազիլիայում հունվարի 14-ից սկսել է 5-11 տարեկան երեխաների՝ կորոնավիրուսի դեմ պատվաստումը: «Արմենպրես»-ի փոխանցմամբ, այս մասին հայտնել է CNN Brasil-ը՝ տեղեկացնելով, որ ութամյա մի տղա երկրում առաջին երեխան է եղել, ում պատվաստել են:

Ավելի վաղ Բրազիլիայի նախագահ Ժաիր Բոլսոնարուն, ով թերհավատորեն է մոտենում պատվաստումներին, հայտարարել էր, ոչ իր անչափահաս աղջիկը չի պատվաստվելու կորոնավիրուսի դեմ: Ինքը՝ Բոլսոնարուն ևս պատվաստված չէ: