Արցախում բջջային կապի խափանումներ են. պատճառն Ադրբեջանի գործողություններն են
12:43, 17 Դեկտեմբեր, 2021ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Հանրապետությունում բջջային կապի խափանումներ են:
«Արմենպրես»-ի հաղորդմամբ, Արցախի տարածքային կառավարման և ենթակառուցվածքների նախարարությունը հայտնում է, որ խափանումները պայմանավորված են Ադրբեջանի կողմից հաճախականությունների խլացմամբ:
«Բջջային կապի խափանումները պայմանավորված են թշնամու կողմից հաճախականությունների խլացմամբ։ Քայլեր ենք ձեռնարկում բանակցային եղանակով հարցին լուծում տալու կապակցությամբ։ Հորդորում ենք զերծ մնալ անհարկի շահարկումներից»,-ասված է նախարարության հաղորդագրությունում։