ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Ստամբուլում դեկտեմբերի 6-19-ը նշանակված բռնցքամարտի կանանց աշխարհի առաջնությունը կորոնավիրուսի համավարակի պատճառով չեղարկվել է: 

«Արմենպրես»-ի հաղորդմամբ` այս մասին հայտնում է ՀԱՕԿ-ը: Կազմակերպության նախագահ Ումար Կրեմլյովը ասել է, որ կարևորը մասնակիցների առողջությունն է: Որոշ թիմեր  նախապատրաստվում են  առաջնությանը: Բայց նրանք մրցաշարի չեղարկումից չպիտի հիասթափվեն, քանզի  առավել կարևոր է  մարզուհիների, պաշտոնյաների, շահագրգիռ մյուս հանձնախմբերի անվտանգության ապահովումը:

Մարզիչ Ռաֆայել Մեհրաբյանի ղեկավարությամբ, այս օրերին, աշխարհի առաջնության նախապատրաստական հերթական հավաքն Աբովյանում անցկացնում է ՀՀ կանանց բռնցքամարտի հավաքականը: