Երևանի ավագանիում իր լիազորությունները դադարեցրած Սուրեն Էրամջյանի մանդատը տրվեց Զարուհի Աղաջանյանին
11:38, 26 Հոկտեմբեր, 2021ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի ավագանու «Իմ քայլը» կուսակցությունների դաշինքի ընտրական ցուցակի ընտրված և լիազորությունները վաղաժամկետ դադարած ավագանու անդամ Սուրեն Էրամջյանի մանդատը հանձնվեց «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Զարուհի Աղաջանյանին:
«Արմենպրես»-ի հաղորդմամբ՝ այս մասին Երևանի քաղաքապետ Հայկ Մարությանը հայտնեց հոկտեմբերի 26-ին Երևան քաղաքի ավագանու յոթերորդ նստաշրջանի երկրորդ նիստի ժամանակ: