«Ռեալ»-ն ուզում է երկարաձգել պայմանագիրը Բենզեմայի հետ
12:21, 18 Հոկտեմբեր, 2021ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիայի ֆուտբոլի ազգային թիմի հարձակվող Կարիմ Բենզեման կերկարաձգի պայմանագիրը «Ռեալ»-ի հետ:
«Արմենպրես»-ի հաղորդմամբ` այս մասին գրում են իսպանական ԶԼՄ-ները: «Արքայական ակումբի» ղեկավարությունը մտադիր է նոր պայմանագիր առաջարկել Բենզեմային, որը նախատեսված կլինի մինչև 2025 թվականը:
Այս կերպ «սերուցքայինները» փորձում են նաև խթանել ՊՍԺ-ի հարձակվող Կիլիան Մբապեի տեղափոխությունը:
Կարիմ Բենզեման ընթացիկ մրցաշրջանում «Ռեալ»-ի կազմում մասնակցել է 8 խաղի, դարձել 9 գոլի և 7 արդյունավետ փոխանցման հեղինակ:
© 2009 ARMENPRESS.am