Մարմնամարզիկները մեկնարկում են աշխարհի առաջնությունում
12:03, 18 Հոկտեմբեր, 2021ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի մարմնամարզության հավաքականի անդամները սկսում են պայքարն աշխարհի առաջնությունում:
«Արմենպրես»-ի հաղորդմամբ` Հայաստանի հավաքականի կազմում հանդես կգան Հարություն Մերդինյանը և Գագիկ Խաչիկյանը: ՀՀ-ից մեկնելիս Վահագն Դավթյանի Covid-19-ի թեստը եղել է բացասական, սակայն Ճապոնիա հասնելուն պես Հանեդա օդանավակայանում կրկին հանձնել են Covid-19-ի թեստ, և այնտեղ Դավթյանի թեստը դրական է եղել: Դավթյանը չունի ոչ մի ախտանշան և իրեն շատ լավ է զգում, նրան մեկուսացրել են Տոկիոում:
Սպորտային մարմնամարզության աշխարհի առաջնությունը կմեկնարկի հոկտեմբերի 18-ին և կեզրափակվի 24-ին: Ճապոնիայում նախատեսված սպորտային և գեղարվեստական մարմնամարզության աշխարհի առաջնությունները կանցկացվեն հանդիսականների ներկայությամբ: Որոշումը համատեղ կայացրել են մարզաձևի միջազգային և առաջնությունների կազմկոմիտեները:
© 2009 ARMENPRESS.am