Իրանում մեկ օրում կորոնավիրուսից մահացել է 289 մարդ

18:33, 27 Սեպտեմբեր, 2021

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Իրանում վերջին 24 ժամում Covid-19-ից մահացել է 289 մարդ, այսպիսով մահերի թիվը հասել է 119 հազար 649-ի: «Արմենպրես»-ի փոխանցմամբ՝ այս մասին հայտնում է IRNA-ն:

Երկրում վերջին 24 ժամում հայտնաբերվել է վիրուսի 14 հազար 470 դեպք, նրանցից 2219-ը հոսպիտալացվել է: 6209 պացիենտ ծայրահեղ ծանր վիճակում գտնվում է ինտենսիվ թերապիայի բաժանմունքներում:

Իրանի առողջապահության նախարարությունը տեղեկացրել է, որ 36 մլն 303 հազար 822 իրանցի արդեն ստացել է պատվաստանյութի առաջին չափաբաժինը, 15 մլն 646 հազար 967 մարդ էլ՝ երկու չափաբաժինները:


© 2009 ARMENPRESS.am