ԱՀԿ-ն կվերսկսի կորոնավիրուսի ծագման հետաքննությունը

12:00, 27 Սեպտեմբեր, 2021

ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Առողջապահության համաշխարհային կազմակերպությունը (ԱՀԿ) պլանավորում Է վերսկսել վիրուսի ծագման հետաքննությունը, որը դարձել Է COVID-19-ի համավարակի պատճառ: Այդ մասին, ինչպես տեղեկացնում Է «Արմենպրես»-ը, հաղորդել Է The Wall Street Journal թերթը:

Ինչպես նշել են նրա ներկայացուցիչները, այդ խնդիրը լուծելու համար այնքան Էլ շատ ժամանակ չի մնացել: ԱՀԿ-ն 20 մարդուց բաղկացած թիմ կհավաքի, որի մեջ կմտնեն բիոպաշտպանության եւ լաբորատոր անվտանգության մասնագետներ, ինչպես նաեւ կենդանիների հիվանդությունների գծով փորձագետներ:

Գիտնականների նախորդ միջազգային խումբը ՉԺՀ-ում աշխատել Է հունվար ամսից մինչեւ փետրվար: Նրանք այցելել են Ուհանի վիրուսաբանության ինստիտուտ, այդ թվում՝ SSL-4 լաբորատորիա, որի հետ կապված են եղել վիրուսի արտահոսի մասին լուրերը, հիվանդանոց, ծովամթերքի «Հուանան» շուկա, ինչպես նաեւ Հիվանդությունների վերահսկման ու կանխարգելման կենտրոն:

Ամփոփիչ զեկույցի համաձայն, SARS-CoV-2-ը, ամենայն հավանականությամբ, չղջիկներից մարդուն Է փոխանցվել այլ կենդանիների միջոցով. նման պաթոգեններ են հայտնաբերել նաեւ պանգոլինների մոտ, ինչը խոսում Է միջտեսակային փոխանցման մասին: Սակայն ԱՀԿ-ի ղեկավար Թեդոս Ադհանոմ Գեբրեյեսուսը լաբորատոր արտահոսի վարկածի հետագա հետաքննման կոչ Է արել, քանի որ մասնագետները չեն գտել վիրուսի աղբյուրը, հաղորդել Է ՌԻԱ Նովոստին:


© 2009 ARMENPRESS.am