Ադամյանը մասնակցել է «Հոֆենհայմ»-ի հաղթական խաղին

21:21, 25 Սեպտեմբեր, 2021
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի կիսապաշտպան Սարգիս Ադամյանը մասնակցել է ակումբի հաղթական խաղին:

«Արմենպրես»-ի հաղորդմամբ` Գերմանիայի ֆուտբոլի առաջնության` Բունդեսլիգայի 6-րդ տուրում «Հոֆենհայմ»-ը սեփական հարկի տակ ընդունել էր «Վոլֆսբուրգ»-ին և առավելության հասավ 3:1 հաշվով: «Հոֆենհայմ»-ի կազմում աչքի ընկան Անդրեյ Կրամարիչը, Կրիստոֆ Բաումգարտները և Պավել Կադերաբեկը:

Հայաստանի ազգային ընտրանու ֆուտբոլիստ Սարգիս Ադամյանը «Հոֆենհայմ»-ի մեկնարկային կազմում էր, սակայն փոխարինվեց 70-րդ րոպեին:

Այս հաղթանակից հետո «Հոֆենհայմ»-ը Բունդեսլիգայի մրցաշարային աղյուսակում 9-րդն է 8 միավորով:

 

 


© 2009 ARMENPRESS.am