ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Պեկինում 2022թ. անցկացվելիք ձմեռային  Օլիմպիական խաղերի  ջահը վառելու արարողությունը համավարակի սահմանափակումների պատճառով կանցկացվի առանց հանդիսականի:  

«Արմենպրես»-ի հաղորդմամբ`  այս մասին գրում է ՀԱՕԿ-ը: Ձմեռային փոխանցավազքից հետո կրակը կտեղափոխվի Աթենքի Ակրոպոլիս, իսկ հաջորդ օրը Պանատինաիկոս  մարզադաշտում, պաշտոնապես կհանձնվի  Չինաստանի  պատվիրակությանը:

Օլիմպիական կրակն այնուհետև Աթենքի միջազգային օդանավակայանից Պեկին կտեղափոխվի հատուկ չարտերային չվերթով:

Օլիմպիական խաղերի  ջահը վառելու արարողությունը տեղի կունենա հոկտեմբերի 18-ին՝  Հին Օլիմպիայում: