Թուրքիայում հրշեջ ինքնաթիռ է վթարի ենթարկվել
17:01, 14 Օգոստոս, 2021ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Թուրքիայի Անտառտնտեսության գլխավոր վարչությունը տեղեկացնում է, որ երկրի արևելյան հատվածում հրշեջ ինքնաթիռ է վթարի ենթարկվել:
«Արմենպրես»-ի հաղորդմամբ, ինչպես հայտնում է ՏԱՍՍ գործակալությունը, Be-200 ինքնաթիռը վթարի է ենթարկվել Մարաշ (Քահրամանմարաշ) քաղաքում:
Նշվում է, որ ինքնաթիռի անձնակազմի 7 անդամների ճակատագիրը դեռ հայտնի չէ:
© 2009 ARMENPRESS.am