Եվրոպա լիգայի խաղարկության որակավորման 3-րդ փուլի «Կայրաթ»-«Ալաշկերտ» խաղն ավարտվեց ոչ-ոքի
20:02, 5 Օգոստոս, 2021ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: ՈՒԵՖԱ-ի Եվրոպա լիգայի խաղարկության որակավորման 3-րդ փուլի շրջանակներում Երևանի «Ալաշկերտ»-ը հյուրընկալվելիս մրցեց Ղազախստանի «Կայրաթ» ակումբի հետ: Ինչպես տեղեկացնում է «Արմենպրես»-ը, հանդիպումն ավարտվեց ոչ-ոքի:
Թիմերի միջև պատասխան հանդիպումը կկայանա մեկ շաբաթից Երևանում:
«Ալաշկերտ»-ը Չեմպիոնների լիգայի որակավորման երկրորդ փուլում զիջել էր մոլդովական «Շերիֆ»-ի հետ դիմակայությունում և իրավունք ստացել մասնակցել Եվրոպա լիգայի խաղարկության որակավորման երրորդ փուլին: «Կայրաթ»-ի արգելքը չհաղթահարելու դեպքում Երևանի «Ալաշկերտ»-ը հնարավորություն կստանա մասնակցել Կոնֆերենցիաների լիգայի փլեյ-օֆ փուլին: