«Մանչեսթեր Սիթի»-ն ձեռք է բերել Ջեք Գրիլիշի տրանսֆերը
10:06, 5 Օգոստոս, 2021ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Անգլիական «Մանչեսթեր Սիթի» ֆուտբոլային ակումբը ձեռք է բերել «Աստոն Վիլա»-ի կիսապաշտպան Ջեք Գրիլիշի տրանսֆերը:
«Արմենպրես»-ի փոխանցմամբ՝ իտալացի ինսայդեր Ֆաբրիցիո Ռոմանոն հայտնել է, որ «Մանչեսթեր Սիթի»-ն ու «Աստոն Վիլա»-ն ավարտին են հասցրել գործարքը և ստորագրել բոլոր փաստաթղթերը:
Հաղորդվում է, որ «Մանչեսթեր Սիթի»-ն Գրիլիշի տրանսֆերի համար վճարել է 100 միլիոն ֆունտ ստերլինգ: Գրիլիշի պայմանագիրը նոր ակումբի հետ նախատեսված է մինչև 2026 թվականը:
Նշվում է նաև, որ Գրիլիշը «Մանչեսթեր Սիթի»-ում բուժզննում կանցնի օգոստոսի 5-ին:
© 2009 ARMENPRESS.am