ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Բանգլադեշի հյուսիս-արևմուտքում գտնվող Ռաջշախի շրջանում կայծակի՝ նավին հարվածելու հետևանքով 17 մարդ մահացել է, ևս 15-ը վնասվածքներ են ստացել: «Արմենպրես»-ի փոխանցմամբ, այս մասին հայտնում է ՏԱՍՍ-ը:

Բոլոր տուժածները հարսանեկան արարողության մասնակիցներ են եղել:

2016 թվականին Բանգլադեշի իշխանությունները կայծակը տարերային աղետ էին հայտարարել, քանի որ այդ տարի շանթահարվելու հետևանքով մահացել էր ավելի քան 260 բնակիչ: