ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ- ՓՈԴՔԱՍՏ: Հայաստանի պետական տնտեսագիտական համալսարան «Ամբերդ» հետազոտական կենտրոնի ավագ փորձագետ, տնտեսագիտության թեկնածու Ալբերտ Հայրապետյանը ներկայացնում է ազատ առևտրի էությունը և պետությունների կողմից հաճախ կիրառվող հովանավորչական միջոցառումները: Մասնավորապես, անդրադարձ է կատարվում ազատ առևտուրը խոչընդոտող ինչպես սակագնային, այնպես էլ ոչ սակագնային կարգավորումներին: Սակագնային կարգավորումների համատեքստում բանախոսն ընդգծում է մեծ ու փոքր երկրների կողմից կիրառվող ներմուծման մաքսատուրքերի հետևանքների տարբերությունը՝ բացատրելով դրանց ազդեցությունը մեծ երկրի արտադրողների ու կառավարության և նույնիսկ սպառողների համար: 

Խմբագրության կողմից: «տնՏեսակետ» փոդքասթի անվանման ընտրությունը ոգեշնչված է EFI հիմնադրամի  «Տնտեսակետ. անձնական բարեկեցության և երկրի բարգավաճման բանաձևը» գրքի առաջին թարգմանության հրատարակության վերնագրից: