Առաջին անգամ հաջի ընթացքում սրբավայրերի անվտանգությունը հսկում են սաուդացի կանայք
21:20, 21 Հուլիս, 2021ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Պատմության ընթացքում առաջին անդամ սաուդացի կանայք որպես անվտանգության աշխատակիցներ մուսուլմանների սրբազան ուխտագնացության՝ հաջի ընթացքում հսկում են սրբավայրերը՝ Մեքքան և Մեդինան:
Ինչպես փոխանցում է «Արմենպրես»-ը, այս մասին հայտնում է Reuters-ը:
Տասնյակ կին զինվորներ միացել են անվտանգության ծառայությանը, որը հսկում է իսլամի ծննդավայր համարվող Մեքքա և Մեդինա ուխտագնացության անվտանգությունը:
Սաուդյան Արաբիայի թագաժառանգ Մոհամմադ բին Սալմանը, երկիրն ավելի ժամանակակից դարձնելու նպատակով, սկսել է սոցիալական ու տնտեսական բարեփոխումների շարք, որը հայտնի է «Տեսլական-2030» անունով:
Որպես բարեփոխումների մաս՝ թագաժառանգը վերացրել է կանանց համար մեքենա վաևրելու արգելքը, թույլատրել չափահաս կանանց ինքնուրույն ճամփորդել և այլն:
Այս տարի ուխտագնացությունն իրականացվում է հուլիսի 17-22-ը:Արդեն երկրորդ տարին է, ինչ ուխտագնացությանը չեն կարողանում մասնակցել մուսուլմաններ այլ երկրներից:
Նախատեսվում է, որ հաջին կմասնակցի Սաուդյան Արաբիայի 18-65 տարեկան մոտ 60 հազար բնակիչ, որոնք ստացել են կորոնավիրուսի դեմ երկու պատվաստումները:
© 2009 ARMENPRESS.am