Վաշինգտոնում հնչած կրակոցներից երեխա է մահացել
11:46, 17 Հուլիս, 2021ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Վաշինգտոնում տեղի ունեցած կրակոցների հետևանքով մեկ երեխա է մահացել, իսկ հինգ մեծահասակ վիրավորվել են:
«Արմենպրես»-ի փոխանցմամբ, այս մասին հայտնում է CNN-ը:
Ոստիկանության հաղորդմամբ՝ 6-ամյա աղջիկը մահացել է հիվանդանոցում: Վիրավորում ստացած երեք տղամարդու և երկու կանանց կյանքին ոչինչ չի սպառնում:
Կրակոցների առնչությամբ ձերբակալություններ դեռ չեն եղել:
© 2009 ARMENPRESS.am