«Ես ու դու». Սիրուշոն նոր երգով է ներկայացել իր երկրպագուներին
15:29, 7 Հուլիս, 2021ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Սիրուշոն, որը վերջին ամիսներին հաճախ անգլերեն երգեր է հրապարակում, այս անգամ հայերեն ստեղծագործություն է ներկայացրել երաժշտասերներին:
«Արմենպրես»-ի հաղորդմամբ՝ երգչուհու «Ես ու դու» երգն արդեն նրա YouTube-ի պաշտոնական ալիքում է:
Սիրուշոն իր երաժշտական կարիերայի ընթացքում հաճախ հանդես է գալիս սոուլ և փոփ ժանրերում: Պարբերաբար ներկայացնում է նաև գուսանական, ռազմահայրենասիրական ստեղծագործություններ: Երգչուհին ունի անգլերեն մի շարք երգեր, որոնք սիրվել ու լայն տարածում են գտել ոչ միայն Հայաստանում, այլև արտերկրում: