Գյումրու «ինֆեկցիոն հիվանդանոց» տեղափոխված երեխաների վիճակը մնում է միջին ծանրության
20:57, 25 Հունիս, 2021ԳՅՈՒՄՐԻ, 25 ՀՈւՆԻՍԻ, ԱՐՄԵՆՊՐԵՍ: Աղիքային վարակին բնորոշ ախտանշաններով, հունիսի 25-ին Գյումրու «ինֆեկցիոն հիվանդանոց» դիմած երեխաների վիճակը մնում է միջին ծանրության: Այս պահին հիվանդանոցում ստացիոնար բուժում է ստանում 16 երեխա և 7 մեծահասակ: Նրանք այսօր կմնան հիվանդանոցում: Այս մասին «Արմենպրես»-ին տեղեկացրեց հիվանդանոցի տնօրեն Աստղիկ Բեյբությանը:
Շիրակի մարզ էքսկուրսիայի եկած երեխաները «Ջարդի ձոր» կոչվող տարածքում կերել են տնային պայմաններում առավոտյան պատրաստված քաբաբ, որը պահվել է ոչ սառնարանային պայմաններում: Երեխաների ինքնազգացողությունը վատացել է ավելի ուշ, երբ նրանք արդեն Գյումրիում էին:
«Երեխաների մոտ սկսվել է սրտխառնոց, փսխում: Կանչել են շտապ օգնություն ու տեղափոխվել ինֆեկցիոն հիվանդանոց: Հիվանդանոց դիմած 43 անձից 23-ը՝ 16 երեխա և 7 մեծահասակ ստացիոնար բուժում է ստանում և մեր մոտ կմնան ևս մեկ օր: Մյուսները ևս դեռ մեր հսկողության տակ են: Մեկ անգամ ևս բուժզննում անցկացնելուց հետո, նրանք կարող են տուն վերադառնալ »,-նշեց Աստղիկ Բեյբությանը:
Հաշվի առնելով, որ տարվա շոգ եղանակին մարդիկ հանգստանալու նպատակով հաճախ են լինում բացօթյա տարածքում կամ ճամփորդում, առողջապահության նախարարությունը զգուշացնում և հորդորում է՝ հանգիստը ճիշտ ու անվտանգ կազմակերպելու համար պահպանել մի շարք կարևոր կանոնններ.
Արմենուհի Մխոյան
© 2009 ARMENPRESS.am