ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Իրանում կորոնավիրուսից մահերի թիվը վերջին 24 ժամում ավելացել է 217-ով և հասել 80 հազար 156-ի:

 «Արմենպրես»-ի փոխանցմամբ՝ այս մասին հայտնում է IRNA-ն՝ հղում անելով Առողջապահության նախարարության տվյալներին:

Վերջին 24 ժամում Իրանում հայտնաբերվել է կորոնավիրուսի 11 հազար 42 դեպք, նրանցից 1388-ը հոսպիտալացվել են: Իրանում գրանցված ընդհանուր 2 մլն 913 հազար 136 դեպքից առողջացել կամ հիվանդանոցներից դուրս է գրվել 2 մլն 458 հազար 684-ը: 4160 պացիենտ ծայրահեղ ծանր վիճակում է՝ ինտենսիվ թերապիայի բաժանմունքներում: