Վահագն Հայրապետյանը երկրպագուներին կներկայացնի Electronic Planet նոր նախագիծը
15:41, 17 Մայիս, 2021ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Կոմպոզիտոր, դաշնակահար Վահագն Հայրապետյանը մայիսի 29-ին «Առնո Բաբաջանյան» համերգասրահում կներկայացնի իր նոր՝ Electronic Planet նախագիծը։
«Արմենպրես»-ի հաղորդմամբ՝ հանրահայտ ջազմենը հանդես կգա առանց ոճային սահմանափակումների և նորարարական համերգային ծրագրով: Երեկոյին կհնչեն նրա ստեղնաշարային, էլեկտրոնային և վոկալ իմպրովիզացիաները:
Վահագն Հայրապետյանն արդեն մի քանի տասնամյակ իր ուրույն տեղն ունի Հայաստանի ջազի պատմության մեջ: Հայրապետյանը տարբեր կազմերով հանդես է եկել աշխարհի զանազան երկրներում, մասնակցել միջազգային փառատոնների և պատվով ներկայացրել հայ մշակույթը։