ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի նախկին կիսապաշտպան Պետրոս Ավետիսյանը հեռացել է ակումբից:

«Արմենպրես»-ի հաղորդմամբ` այս մասին գրում է թիմի մամուլի ծառայությունը: Ավետիսյանը հեռացել է ղազախական «Տոբոլ»-ից, քանի որ վերջացել է պայմանագրի ժամկետը: Հայ կիսապաշտպանը ղազախական ակումբին միացել էր նախորդ մրցաշրջանում և թիմի կազմում անցկացրած 12 խաղում խփել է1 գնդակ և կատարել է մեկ արդյունավետ փոխանցում:

Ավետիսյանի նախորդ ակումբը Հայաստանի կրկնակի չեմպիոն «Արարատ-Արմենիա»-ն էր, որի կազմում նա մասնակցել էր 39 խաղի և դարձել է 14 գոլի և 7 գոլային փոխանցման հեղինակ: