Պատմության հետագծով
09:00, 14 Դեկտեմբեր, 2020ԵՐԵՎԱՆ, 14 ԴԵԿՏԵՄԲԵՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1861 թ. դեկտեմբերի 14-ին Կ. Պոլսում հիմնվում է Արեւելյան թատրոնը։ Բացման առթիվ ճառ է ասում Միքայել Նալբանդյանը։
-1919 թ. դեկտեմբերի 14-ին Ուզունլարում բոլշեւիկների նախաձեռնությամբ հրավիրվում է Լոռվա «չեզոք գոտու» գյուղացիական դեպուտատների խորհրդի առաջին նիստը, որը բանաձեւ է ընդունում կալվածատիրությունը վերացնելու եւ հողային կոմիտեներ ստեղծելու մասին։
-1812 թ. դեկտեմբերի 14-ին ավարտվեց ռուս-ֆրանսիական պատերազմը։
-1900 թ. դեկտեմբերի 14-ը համարվում է Քվանտային մեխանիկայի ստեղծման օր։
-1936 թ. դեկտեմբերի 14-ին ծնվել է Տիգրան Լեւոնյանը՝ հայ ճանաչված օպերային երգիչ, դրամատիկական տենոր, օպերային ռեժիսոր (մահ.՝ 2004 թ.)։
-1947 թ. դեկտեմբերի 14-ին մահացել է Գուրգեն Ալեմշահը՝ հայ կոմպոզիտոր, խմբավար եւ դիրիժոր (ծնվ.՝ 1907 թ.)։
-1825 թ. դեկտեմբերի 14-ին ծնվել է Ստեփան Ոսկանյանը՝ հայ հրապարակախոս, խմբագիր, թարգմանիչ, մանկավարժ։
Մ. Ա.
© 2009 ARMENPRESS.am