Բաղդադում զինված հարձակման հետևանքով 11 զոհ կա
15:56, 9 Նոյեմբեր, 2020ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ։ Իրաքի մայրաքաղաք Բաղդադում իրականացված զինված հարձակման հետևանքով մահացել է 11 անձ։ Ըստ Իրաքի անվտանգության ծառայության հայտնած տեղեկությունների՝ հարձակումը իրականացվել է «Իսլամական պետություն» ահաբեկչական խմբավորման կողմից, սակայն «Իսլամական պետությունը» դեռևս չի ստանձնել հարձակման պատասխանատվությունը։ Զինված հարձակումն ուղղված է եղել Բաղդադի արևմուտքում ալ-Ռըդվանիեի շրջանում գտնվող սուննի Հաշդ ալ-Հաշիդ ուժերի դեմ: Ինչպես հայտնում են միջազգային լրատվամիջոցները, պայթյունի հետևանքով մահացել է «Հաշդ ալ-Ասաիրի» ուժերի 5 անդամ և 6 քաղաքացիական անձ։
Մերի Վարդումյան
© 2009 ARMENPRESS.am