Շվեյցարահայերը բողոքի ցույցեր են անցկացրել ընդդեմ ադրբեջանա-թուրքական ագրեսիայի
18:39, 10 Հոկտեմբեր, 2020ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Շվեյցարիայի հայ համայնքն իր աջակցություն է հայտնում Արցախին և Հայաստանին։ «Արմենպրես»-ի հաղորդմամբ՝ շվեյցարահայերը բողոքի ցույցեր են անցկացրել և դատապարտել ադրբեջանա-թուրքական ագրեսիան։
«Հայերն այսօր»-ը զրուցել է Շվեյցարիա-Հայաստան բարեկամական խմբի գլխավոր քարտուղար Սարգիս Շահինյանի հետ։ Նա պատմել է, որ բողոքի ակցիաների շնորհիվ միջազգային մամուլը սկսեց անդրադառնալ Արցախում կատարվող իրադարձություններին։
Հայ համայնքը կապեր է հաստատել Շվեյցարիայի քաղաքական վերնախավի հետ և ուշադրություն հրավիրել Արցախում ստեղծված իրավիճակի վրա։