Էյֆելյան աշտարակը փակել են պայթյունի սպառնալիքի պատճառով

16:51, 23 Սեպտեմբեր, 2020

ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Էյֆելյան աշտարակի այցելուները եւ աշխատակիցները ժամանակավորապես տարահանվել են անհայտ անձի զանգից հետո, որն սպառնացել Է պայթեցնել կոթողը: Ինչպես տեղեկացնում Է «Արմենպրես»-ը, սեպտեմբերի 23-ին այդ մասին ՏԱՍՍ-ին հայտնել են Էյֆելյան աշտարակի շահագործման ընկերությունում (Sete):

«Այսօր առավոտյան տարահանում Է հայտարարվել ոստիկանություն անանուն զանգից հետո: Դա տեղի Է ունեցել քիչ առաջ: Այժմ տեղ են ժամանել իրավապահ մարմինների աշխատակիցները, նրանք կատարում են անհրաժեշտ ստուգումներ»,- հայտնել Է կազմակերպության ներկայացուցիչը: Գործակալության զրուցակիցը չի կարողացել ճշտել, թե որքան երկար կտեւի տեսչական ստուգումը:

Աշտարակի շուրջն ընկած տարածքը նախկինի պես շրջապատված Է ոստիկանության կողմից: Պարագծի պահապնումն ապահովում են իրավապահ մարմինների զինված աշխատակիցները:


© 2009 ARMENPRESS.am