ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանում  սկսվել է հնդիկ տիեզերագնացների համար տիեզերական կոստյումների արտադրությունը, տիեզերագնացները համապատասխան չափումներ են անցել հետազոտական և արտադրող ձեռնարկությունում: «Արմենպրես»-ի փոխանցմամբ՝ այս մասին տեղեկացնում է «ՌԻԱ Նովոստի»-ն:

Ավելի աղ հայտնի էր դարձել, որ Ռուսաստանը չորս հնդիկ տիեզերագնաց է պատրաստելու տիեզերական թռիչքի համար, պատրաստելու է բազկաթոռներ և տիեզերական կոստյումներ: Չորս հնդիկ տիեզերագնացները սկսել են Ռուսաստանում մարզվել 2020 թվականի փետրվարի 10-ից, ակնկալվում է, որ դասընթացները կավարտվեն 2021 թվականի սկզբին: