ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Շուրջ 15 մարդ է զոհվել Իրաքի հյուսիսում թուրքական անօդաչու թռչող սարքի հարվածից: «Արմենպրես»-ի փոխանցմամբ՝ այս մասին հայտնում է ՏԱՍՍ-ը՝ հղում անելով Alsumaria News հեռուստաընկերության անվտանգության ոլորտի աղբյուրին:

Հեռուստաընկերության տվյալներով՝ զոհվածների թվում հինգ իրաքցի սահմանապահներ են, այդ թվում՝ երկու սպա, ինչպես նաև Քուրդիստանի աշխատավորական կուսակցության հինգ անդամներ: Նշվում է, որ պատահարի հետևանքով զոհվել է նաև հինգ քաղաքացիական անձ:

Ավելի վաղ Sky News Arabia հեռուստաընկերությունը հայտնել էր հինգ զոհվածի մասին: