ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Ամերիկացի դերասանուհի Քրիստեն Ստյուարտը, որն առավել հայտնի է «Մթնշաղ» ֆիլմից, «Սպենսեր» ֆիլմում խաղալու է` որպես  արքայադուստր Դիանա: «Արմենպրես»-ի փոխանցմամբ` այս մասին հայտնում է  Deadline-ը:

Հաղորդվում է, որ ֆիլմի գործողությունները կառուցվում են այն ժամանակաշրջանի և դեպքերի շուրջ, երբ արքայադուստր Դիանան որոշել էր բաժանվել արքայազն Չարլզից: Համաձայն հրապարակման` ֆիլմի ռեժիսորը կլինի չիլիացի Պաբլո Լարեյնը, իսկ գլխավոր դերում` Քրիստեն Ստյուարտը: Նշվում է, որ նկարահանումները կսկսվեն 2021 թ. սկզբին: 

Արքայադուստր Դիանան և արքայազն Չարլզն ամուսնալուծվել են 1996 թ.: 1997 թվականի օգոստոսի 31-ի գիշերը Դիանան ավտովթարի հետևանքով մահացել է Փարիզում: Մեքենան, որի մեջ եղել է արքայադուստրը, մեծ արագությամբ բախվել է Ալմայի կամրջի տակ գտնվող թունելի պատին: Դիանայի սիրեցյալը` կինոպրոդյուսեր Դոդի ալ-Ֆայեդը, և վարորդը տեղում մահացել են, թիկնապահը ծանր վիրավորվել է: Ավտովթարից հետո ծանր վիրավորում ստացած Դիանան տեղափոխվել է հիվանդանոց, որտեղ մի քանի ժամ անց մահացել է: