ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Արքայազն Ուիլյամը հայտնել է, որ ինքը կորոնավիրուսի համավարակի սահմանափակումների ընթացքում անանուն կերպով կամավորական աշխատանք է կատարել: «Արմենպրես»-ի փոխանցմամբ՝ այս մասին տեղեկացնում  է BBC-ն:

Նա որպես կամավոր աշխատել է Shout 85258-ում, որը տեքտային հաղորդագրությամբ աջակցություն է առաջարկում այն մարդկանց, ովքեր անձնական ճգնաժամի մեջ են: Արքայազն Ուիլյամը պատասխանել է հաղորդագրություններին:

Արքայազնը կամավորներին անցյալ ամիս էր հայտնել, որ ինքը նույնպես կամավորական հարթակի աշխատող է:

 Քենսինգթոնյան պալատը հայտնել էր, որ  արքայազնը ներգրավված է «Կամավորների շաբաթ»-ում, որն ավարտվում է կիրակի:

Աննա Գրիգորյան