ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ:  Գերմանիայի ֆուտբոլի ազգային թիմի և Դորտմունդի «Բորուսիա»-ի հարձակվող Մարիո Գյոտցեն ամռանը կհեռանա ակումբից:

«Արմենպրես»-ի հաղորդմամբ` այս մասին գրում է Sky Germany-ին: Դորտմունդյան ակումբը և ֆուտբոլիստը համատեղ քննարկման արդյունքում են հասել նման որոշման:

Ավելի վաղ լուրեր կային, որ իտալական «Ռոմա»-ն բանակցում է գերմանացի հարձակվող Մարիո Գյոտցեի հետ: 2020 թ. ամռանն ավարտվում է Գյոտցեի պայմանագիրը «Բորուսիա»-ի հետ, և ֆուտբոլիստը կստանա ազատ գործակալի կարգավիճակ: Գերմանացի հարձակվողին իրենց կազմում են ուզում տեսնել նաև «Միլան»-ը և «Նապոլի»-ն: 

Այս մրցաշրջանում Գյոտցեն «Բորուսիա»-ի կազմում մասնակցել է 19 խաղի, դարձել 3 գոլի հեղինակ:

Պատրաստեց Վարվառա Հայրապետյանը