Արթուր Դավթյանը բազմամարտի Հայաստանի չեմպիոնն է
17:11, 26 Փետրվար, 2020ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հայաստանի մարմնամարզության առաջնության բազմամարտի չեմպիոնը հայտնի է:
«Արմենպրես»-ի հաղորդմամբ` Ալբերտ Ազարյանի անվան մարմնամարզության մարզադպրոցում մեկնարկեց Հայաստանի 2020 թվականի առաջնությունը: Տղամարդկանց պայքարում բազմամարտի չեմպիոնը Արթուր Դավթյանն է:Մրցանակակիրներ դարձան Արթուր Դավթյանը, Գագիկ Խաչիկյանը և Համլետ Մանուկյանը:
Կանանց բազմամարտում չեմպիոնը Աննա Գրիգորյանն է, երկրորդ և երրորդ տեղերը զբաղեցրեց Տաթև Սուքիասյանը և Ինեսա Ջաղինյանը: