ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Երևան-Երասխ-Գորիս-Մեղրի-Իրանի սահման միջպետական նշանակության ավտոճանապարհին (Մ-2՝)՝ Լիճք գյուղի մոտ (356-րդ կմ) փետրվարի 24-ին տեղի է ունեցել քարաթափում, որի պատճառով ճանապարհը միակողմանի փակվել է։

Ինչպես «Արմենպրես»-ին տեղեկացրին ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժնից, կապալառու կազմակերպությունն  իրականացնում է ճանապարհի մաքրման աշխատանքներ։

Նախարարությունը  վարորդներին խորհուրդ է տալիս  տվյալ հատվածով երթևեկելիս լինել զգոն և պահպանել անվտանգ երթևեկության կանոնները։