ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: «Գելափ ինթերնեյշնել ասոցիացիա»-ի հայաստանյան գրասենյակի հարցումների համաձայն հայաստանցիներն ամենաշատը հավանություն են տալիս ՀՀ նախագահի և վարչապետի, ամենաքիչը` ընդդիմության գործունեությանը: «Արմենպրես»-ի փոխանցմամբ` այս մասին դեկտեմբերի 20-ին հրավիրված մամուլի ասուլիսի ընթացքում հայտնեց «Գելափ ինթերնեյշնել ասոցիացիա»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը:

«Հարցին. «Ինչպե՞ս եք գնահատում ներքոշարադրյալների գործունեությունը», ՀՀ նախագահի գործունեությանը հավանություն է տվել 83%-ը, վարչապետի գործունեությանը` 83.2%, Ազգային ժողովի գործունեությանը` 43.1%-ը, կառավարության գործունեությանը` 54.9%-ը, իսկ ընդդիմության գործունեությանը` 25.5%-ը:

Հարցումներն արվել են նոյեմբերի 9-ից դեկտեմբերի 1-ն ընկած ժամանակահատվածում: Հարցումներին մասնակցել է 1517 քաղաքացի: