Կլոպը երկարաձգեց պայմանագիրը «Լիվերպուլ»-ի հետ
16:38, 13 Դեկտեմբեր 2019
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Գերմանացի մասնագետ Յուրգեն Կլոպը երկարաձգեց պայմանագիրը «Լիվերպուլ»-ի հետ:
«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը: Կլոպի նոր պայմանագիրը անգլիական ակումբի հետ նախատեսված է մինչև 2024 թվականը: Կլոպը փաստել է, որ Լիվերպուլը լավագույն ֆուտբոլային միջավայրերից մեկն է:
Յուրգեն Կլոպը «Լիվերպուլ»-ի գլխավոր մարզիչ պաշտոնը ստանձնեց 2015 թվականին: Այս ընթացքում Կլոպի ղեկավարությամբ «կարմիրները» մեկ անգամ հաղթել են Չեմպիոնների լիգայում (2018/19) և դարձել ՈՒԵՖԱ-ի Սուպերգավաթակիր (2019):
Բաժանորդագրվեք մեր ալիքին Telegram-ում