Դեկտեմբերի 13-ին սպասվող իրադարձությունները
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Ճապոնիայի կառավարությունը դրամաշնորհ կտրամադրի «Երևան իմ սեր» հիմնադրամին: Այսօր՝ դեկտեմբերի 13-ին, համապատասխան հուշագիրը կստորագրեն հիմնադրամի տնօրենն ու ՀՀ-ում Ճապոնիայի դեսպանը:
Երևանում կանցկացվի ներդրումների և կապիտալի շուկային վերաբերող աշխատաժողով։ Բացմանը ողջույնի խոսքով հանդես կգա ՀՀ էկոնոմիկայի նախարար Տիգրան Խաչատրյանը։
Լրագրողների հետ կհանդիպի ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանը: Նա կանդրադառնա հանրակրթության պետական չափորոշչի և առարկայական ծրագրերի վերանայմանը, միջազգային համագործակցությանը:
Սևանա լճի հիմնախնդիրներին ու ձկան պաշարներին կանդրադառնա ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը:
Արևելյան գործընկերության 10-ամյակի առթիվ կանցկացվի «ՅՈՒՆԵՍԿՕ-ի համաշխարհային ժառանգության ցանկում ընդգրկված նյութական և ոչ նյութական գոհարները» խորագրով ցուցահանդես:
Կոմիտասի անվան կամերային երաժշտության տանը կկայանա Կոմիտաս վարդապետի ծննդյան 150-ամյա հոբելյանին նվիրված՝ «Կոմիտասը և մենք» համերգաշարի ամփոփիչ համերգը:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում