ԿԳՄՍՆ-ն անցկացնում է ՀՀ «Տարվա 10 լավագույն մարզիկներ» 2019 թվականի մրցույթը
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարությունն անցկացնում է ՀՀ «Տարվա 10 լավագույն մարզիկներ» 2019 թվականի մրցույթը:
Ինչպես «Արմենպրես»-ին հայտնեցին ՀՀ ԿԳՄՍ նախարարությունից, տարվա տասը լավագույն մարզիկները որոշվելու են SMS քվեարկության, նախարարությունում գրանցված ՀՀ հավաքական թիմերի մարզիչների (ՀՀ մարզաձևերի ֆեդերացիաների ներկայացուցիչները) և մրցույթի քվեարկության համար հավատարմագրված լրագրողների քվեարկության արդյունքների համադրմամբ (նշված երեք բաղադրիչներից յուրաքանչյուրը կազմում է մրցույթի ընդհանուր արդյունքի մեկ երրորդ մասը):
Մրցույթի SMS քվեարկությունը մեկնարկել է դեկտեմբերի 12-ին (ժամը` 10:00-ից) և կտևի մինչև դեկտեմբերի 25-ը (մինչև ժամը` 18:00-ն), իսկ հավատարմագրված լրագրողների և մարզիչների քվեարկությունն անցկացվելու է դեկտեմբերի 25-ին` մինչև ժամը 18:00-ն: Էլեկտրոնային քվեարկությունը կատարվում է մրցույթի մասնակիցներից մեկ մարզիկի անհատական համարի նշումով` 10-41 կարճ համարին SMS հաղորդագրություն ուղարկելու միջոցով:
Ընդ որում, քվեարկության համար սահմանված ժամանակահատվածում մեկ հեռախոսահամարից հնարավոր է ուղարկել միայն մեկ SMS հաղորդագրություն: Լրագրողները և մարզիչները իրականացնելու են մրցույթի մասնակիցներից առավելագույնը տասը մարզիկների անհատական համարների նշումով և լավագույն տասնյակի հերթականության դասավորմամբ ուղղակի քվեարկություն (բաց քվեարկություն` արդյունքների հրապարակմամբ):
«Տարվա 10 լավագույն մարզիկներ» մրցույթի մասնակիցների շրջանակը որոշվում է հետևյալ ընթացակարգով. 1. ՀՀ ԿԳՄՍ նախարարությունը մինչև դեկտեմբերի 12-ը` հրապարակման համար, ՀՀ «Տարվա 10 լավագույն մարզիկներ» մրցույթի կազմակերպչական աշխատանքներն իրականացնող հանձնաժողովին է ներկայացնում 2019 թվականի ընթացքում օլիմպիական մարզաձևերից և ոչ օլիմպիական ուշու, սամբո և շախմատ մարզաձևերով մարզական բարձր ցուցանիշներ արձանագրած և ՀՀ ԿԳՄՍ նախարարի հրամանով հաստատված չափորոշիչներին համապատասխան ամենաբարձր միավորներն ունեցող 20 մարզիկների անվանացանկը (20-րդ տեղում հավասար միավորների դեպքում ընդգրկվում են հավասար միավորներ ունեցող բոլոր մարզիկները): 2. ՀՀ մարզաձևերի ֆեդերացիաները (օլիմպիական մարզաձևեր և ոչ օլիմպիական մարզաձևերից ուշու, սամբո և շախմատ) մինչև դեկտեմբերի 10-ը մրցութային անվանացանկում ներառելու նպատակով հանձնաժողովին են ներկայացնում 1-3 մարզիկի թեկնածություն, ովքեր ընթացիկ տարում ունեցել են նշանակալի մարզական հաջողություններ և նվաճումներ (օլիմպիական խաղերում, աշխարհի և Եվրոպայի առաջնություններում, Եվրոպական խաղերում, շախմատի համաշխարհային օլիմպիադայում և համաշխարհային ուսանողական խաղերում), գրավել են մրցանակային տեղեր, խաղային մարզաձևերում ցուցաբերել են անհատական հաջողություններ և իրենց մրցելույթներով Հայաստանն ու հայ ժողովրդին ավելի ճանաչելի են դարձրել, նպաստել Հայաստան-Արցախ-Սփյուռք կապերի ամրապնդմանն ու զարգացմանը: Ֆեդերացիաների կողմից մրցույթի մասնակիցների թեկնածություններ չառաջադրվելու դեպքում տվյալ մարզաձևից թեկնածություններ առաջադրելու լիազորությունը վերապահված է հանձնաժողովին: Նշված կետերում սահմանված թեկնածությունները միասին կազմում են մրցութային անվանացանկը:
ՀՀ ԿԳՄՍ նախարարի հրամանով հաստատված չափորոշիչներին համապատասխան` նախարարության կողմից մրցույթին մասնակցելու համար ներկայացված մարզիկների և ՀՀ մարզաձևերի ֆեդերացիաների հայտերով ներկայացված մարզիկների անուն-ազգանունների 23 համընկնում է եղել, այսինքն` երկու ցուցակով էլ ներկայացվել են նույն մարզիկները, բացառություն են կազմել ֆեդերացիաների ներկայացրած երկու մարզիկ: Արդյունքում` ՀՀ «Տարվա 10 լավագույն մարզիկներ» 2019 թվականի մրցույթին մասնակցող մարզիկների անվանացանկը կազմված է 25 մարզիկից: Անվանացանկը կցված է:
ԱՆՎԱՆԱՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ «ՏԱՐՎԱ 10 ԼԱՎԱԳՈՒՅՆ ՄԱՐԶԻԿՆԵՐ»
2019 ԹՎԱԿԱՆԻ ՄՐՑՈՒՅԹԻՆ ՄԱՍՆԱԿՑՈՂ ՄԱՐԶԻԿՆԵՐԻ
(Ըստ ՀՀ սպորտի և երիտասարդության հարցերի նախարարի 17.07.2017 թ. № 143-Ա/1 հրամանի` ՀՀ կրթության, գիտության, մշակույթի և սպորտի նախարարի 06.12.2019թ. 1195-Ա/2 հրամանով հաստատված չափորոշիչներով, և մարզաձևերի ֆեդերացիաների ներկայացրած հայտերի)
N |
Անուն, ազգանուն |
Մարզաձևը |
Մրցման անվանումը |
Գրաված տեղը կամ հանրաճանաչությունը |
1 |
Ալեքսանյան Արթուր |
հունահռոմեական ըմբշամարտ |
Եվրոպական խաղեր |
1-ին տեղ |
Աշխարհի մեծահասակների առաջնություն |
2-րդ տեղ |
|||
2 |
Ալեքսանյան Ռուբեն |
ծանրամարտ |
Աշխարհի մեծահասակների առաջնություն |
3-րդ տեղ
|
Եվրոպայի մեծահասակների առաջնություն |
3-րդ տեղ |
|||
3 |
Ասլանյան Կարեն |
հունահռոմեական ըմբշամարտ |
Եվրոպայի մեծահասակների առաջնություն |
3-րդ տեղ |
4 |
Ավետիսյան Արթուր |
սպորտային մարմնամարզություն |
Համաշխարհային ուսանողական խաղեր |
1-ին տեղ |
5 |
Բաղրյան Արսեն |
ուշու |
Աշխարհի մեծահասակների առաջնություն |
3-րդ տեղ |
6 |
Բաչկով Հովհաննես |
բռնցքամարտ |
Եվրոպական խաղեր |
1-ին տեղ |
Աշխարհի մեծահասակների առաջնություն |
3-րդ տեղ |
|||
7 |
Գալստյան Սլավիկ |
հունահռոմեական ըմբշամարտ |
Աշխարհի մեծահասակների առաջնություն |
3-րդ տեղ |
8 |
Գասպարյան Սամվել |
ծանրամարտ |
Եվրոպայի մեծահասակների առաջնություն |
2-րդ տեղ |
9 |
Գրիգորյան Դավիթ |
սամբո |
Եվրոպական խաղեր |
2-րդ տեղ |
Աշխարհի մեծահասակների առաջնություն |
3-րդ տեղ |
|||
10 |
Դավթյան Արթուր |
սպորտային մարմնամարզություն |
Եվրոպական խաղեր |
1-ին տեղ |
11 |
Դավթյան Վահագն |
սպորտային մարմնամարզություն |
Եվրոպական խաղեր |
2-րդ տեղ |
Եվրոպայի մեծահասակների առաջնություն |
3-րդ տեղ |
|||
12 |
Կիրակոսյան Տիգրան |
սամբո |
Եվրոպական խաղեր |
1-ին տեղ |
Եվրոպայի մեծահասակների առաջնություն |
1-ին տեղ |
|||
13 |
Հարությունյան Արսեն |
ազատ ոճի ըմբշամարտ |
Եվրոպայի մեծահասակների առաջնություն |
1-ին տեղ |
14 |
Հովհաննիսյան Արթուր |
բռնցքամարտ |
Եվրոպական խաղեր |
1-ին տեղ |
15 |
Հովհաննիսյան Դավիթ |
ծանրամարտ |
Եվրոպայի մեծահասակների առաջնություն |
3-րդ տեղ |
16 |
Ղազարյան Արսեն |
սամբո |
Եվրոպական խաղեր |
3-րդ տեղ |
17 |
Մանուկյան Մաքսիմ |
սամբո |
Եվրոպայի մեծահասակների առաջնություն |
2-րդ տեղ |
18 |
Մարտիրոսյան Սիմոն |
ծանրամարտ |
Աշխարհի մեծահասակների առաջնություն |
1-ին տեղ
|
Եվրոպայի մեծահասակների առաջնություն |
1-ին տեղ |
|||
19 |
Մինասյան Գոռ |
ծանրամարտ |
Աշխարհի մեծահասակների առաջնություն |
2-րդ տեղ |
20 |
Մկրտչյան Հակոբ |
ծանրամարտ |
Աշխարհի մեծահասակների առաջնություն |
1-ին տեղ
|
Եվրոպայի մեծահասակների առաջնություն |
1-ին տեղ |
|||
21 |
Մխիթարյան Գրիգոր |
սամբո |
Եվրոպայի մեծահասակների առաջնություն |
2-րդ տեղ |
22 |
Մխիթարյան Հենրիկ |
ֆուտբոլ |
Հանրաճանաչություն: Ֆուտբոլի Հայաստանի ազգային հավաքականի կազմում դարձել է 3 գոլի հեղինակ` մասնավորապես ապահովելով հաղթանակ Բոսնիա և Հերցեգովինայի հավաքականի հետ խաղում: Իր ակումբի` անգլիական «Արսենալի» կազմում, դուրս է եկել ՈՒԵՖԱ-ի Եվրոպա Լիգայի մրցաշարի եզրափակիչ: Անվտանգության նկատառումներով չմեկնելով Բաքու` հսկայական ճանաչելիություն է ապահովել Հայաստանի համար և նպաստել արցախյան հիմնախնդրի լուսաբանմանը համաշխարհային մամուլում: |
|
23 |
Չալյան Կարապետ |
հունահռոմեական ըմբշամարտ |
Եվրոպական խաղեր |
2-րդ տեղ |
24 |
Չալյան Վահագն |
սամբո |
Եվրոպայի մեծահասակների առաջնություն |
2-րդ տեղ |
25 |
Ջուլֆալակյան Արսեն |
հունահռոմեական ըմբշամարտ |
Եվրոպայի մեծահասակների առաջնություն |
3-րդ տեղ |
Բաժանորդագրվեք մեր ալիքին Telegram-ում