Ժամանակը Երևանում՝ 11:07:36,   17 Փետրվար

Ֆինլանդիայի խորհրդարանը հաստատեց Սաննա Մարինի թեկնածությունը վարչապետի պաշտոնում

Ֆինլանդիայի խորհրդարանը հաստատեց Սաննա Մարինի թեկնածությունը վարչապետի պաշտոնում
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ֆինլանդիայի խորհրդարանը հավանություն Է տվել երկրի նոր վարչապետ Սաննա Մարինի թեկնածությանը: Այդ մասին, ինչպես տեղեկացնում Է «Արմենպրես»-ը, լիագումար նիստից հայտնել Է ՌԻԱ Նովոստիի թղթակիցը:
«Մարինի օգտին քվեարկել Է 99 պատգամավոր, դեմ՝ 70-ը, բացակայել են 30-ը»,-հայտնել Է խորհրդարանի խոսնակ Մաթի Վանհանենը:
ներկայում Հյուսիսային բոլոր երկրների կառավարությունները, բացի Շվեդիայից, գլխավորում են կանայք: Իսլանդիայի կառավարությունը 2017 թվականից գլխավորում Է Կատրին Յակոբսդոուտիրը, Դանիայինը հունիսի 27-ից՝ Մետտե Ֆրեդերիկսենը, Նորվեգիայինը՝ 2013 թվականից՝ Էռնա Սուլբերգը:
Սաննա Մարինը ոչ միայն իր երկրի, այլեւ ամբողջ աշխարհի ամենաերիտասարդ վարչապետն Է. նա 34 տարեկան Է, իսկ Ֆինլանդիան առաջին անգամ կառավարելու Է «կանանց հնգյակը». մնացած բոլոր կառավարող կուսակցությունների ղեկավարները նույնպես կանայք են:
Սաննա Մարինի կառավարությունում 12 նախարարական պաշտոններ զբաղեցնում են կանայք եւ յոթը՝ տղամարդիկ:




https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ