Պուտինը ջերմացում Է նկատել Ուկրաինայի ճգնաժամի կարգավորման հարցում
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ուկրաինայի ճգնաժամի կարգավորման իրադրության հարցում ջերմացում Է նկատվում: Այս կարծիքը Ռուսաստանի նախագահ Վլադիմիր Պուտինը հայտնել Է Փարիզում «նորմանդական քառյակի» գագաթնաժողովի արդյունքներին նվիրված մամուլի ասուլիսում, հաղորդում Է «Արմենպրես»-ը՝ հղում անելով «Ինտերֆաքս»-ին:
«Կա արդյոք ինչ-որ ջերմացում: Ես կարծում եմ, որ այո»,- հայտարարել Է Ռուսաստանի ղեկավարը: Նրա խոսքով՝ հակամարտության լուծման գործընթացը, ինչպես եւ Ուկրաինայի հետ հարաբերությունները, շարժվում են ճիշտ ուղղությամբ: Պուտինը նաեւ նշել Է, որ Ռուսաստանն ամեն ինչ կանի, որպեսզի ուժերի ներածին չափ ավանդ ներդնի Դոնբասի իրադրության կարգավորման խնդրում:
Գերմանիայի կանցլեր Անգելա Մերկելն իր հերթին կարծում Է, որ Փարիզում «նորմանդական ձեւաչափով» բանակցությունների ընթացքում հաջողվեց հաղթահարել լճացումը, որը դիտվում Էր Ուկրաինայի հակամարտության կարգավորման հարցում:
Բաժանորդագրվեք մեր ալիքին Telegram-ում