Դեկտեմբերի 10-ին սպասվող իրադարձությունները
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
Դեկտեմբերի 11-ին, ժամը 11:00-ին Երևանի քաղաքապետարանի գլխավոր մասնաշենքում (հասցե՝ ք. Երևան, Արգիշտի փող.1), տեղի կունենա Երևանի քաղաքապետի տեղակալ Տիգրան Վիրաբյանի մամուլի ասուլիսը:
Փոխքաղաքապետը կներկայացնի Ամանորի տոնական միջոցառումների վերաբերյալ մանրամասներ:
Այսօր՝ դեկտեմբերի 10-ին, ՀՀ տարածքային կառավարման և ենթակառուցվածքների նախարար Սուրեն Պապիկյանը և Հայաստանում ՌԴ դեսպան Սերգեյ Կոպիրկինը կայցելեն Հայկական ատոմային էլեկտրակայան:
Մայր Աթոռ Սուրբ Էջմիածնի կրթական կենտրոնում կանցկացվի Եկեղեցիների Համաշխարհային Խորհրդի տարեկան միջոցառումը: Ներկա կլինի Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսը:
ՀՀ ԱՆ քրեակատարողական հիմնարկներում հասարակական վերահսկողություն իրականացնող հասարակական դիտորդների խումբը ՀՀ արդարադատության նախարարության հետ համատեղ կիրականացնի հանրային քննարկում:
Երևանում կանցկացվի քննարկում «Հեռուստատեսության եւ ռադիոյի մասին» նոր օրինագծի սկզբունքների շուրջ:
ՀՀ ԿԳՄՍ նախարարության աջակցությամբ կիրականացվի «Մենք ենք, մեր մարզը» մանկապատանեկան մարզային մշակույթի օրեր» ծրագիրը:
«100 գաղափար Հայաստանի համար» համահայկական երիտասարդական մրցույթը կամփոփի արդյունքները: Հաղթողները հանդիսավորությամբ կստանան մրցանակներ:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում