Տոսկանայում տեղի ունեցած երկրաշարժը շենքեր Է վնասել
12:25, 9 Դեկտեմբեր 2019
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Լույս դեկտեմբերի 9-ի գիշերը 4,5 մագնիտուդով երկրաշարժ Է տեղի ունեցել իտալական Տոսկանայում՝ Ֆլորենցիայից ոչ հեռու: Այդ մասին, ինչպես տեղեկացնում Է «Արմենպրես»-ը, հայտնել Է Գեոֆիզիկայի եւ հրաբխաբանության ազգային ինստիտուտը:
Ինստիտուտի տվյալներով՝ երկրաշարժը տեղի Է ունեցել տեղական ժամանակով 04:37-ին (Երեւանի ժամանակով 07:37-ին): Դրա Էպիկենտրոնը գտնվում Էր Ֆլորենցիայից 25 կիլոմետր հյուսիս ընկած շրջանում՝ Սկարպերիա-Է-Սան Պիեռո եւ Բարբերինո-դի-Մուջելո կոմունաների միջեւ, օջախը 9 կիլոմետր խորության վրա Էր: ԱՄՆ-ի երկրաբանական ծառայությունը հայտնել Է, որ երկրաշարժի մագնիտուդը կազմել Է 4,8:
Ստորգետնյա ցնցումները խուճապ են առաջացրել, բազմաթիվ բնակիչներ լքել են իրենց տներն ու փողոց դուրս եկել:
Tgcom24 հեռուստաալիքի տվյալներով՝ ցնցումների հետեւանքով վնասվել Է մի քանի շենք: Բորգո-Սան Լորենցո, Բարբերինո-դի-Մուջելո եւ Վիկիո կոմունաներում որոշում Է ընդունվել դեկտեմբերի 9-ին փակել դպրոցները:
Ինչպես գրում Է Repubblica թերթը, տարածաշրջանում դադարեցված Է երկաթուղային երթեւեկությունը, այդ թվում՝ չեն երթեւեկում ճեպընթացները Ֆլորենցիայի եւ Բոլոնիայի միջեւ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում