Բիլի Այլիշը հրապարակել Է xanny երգի հոլովակը իր դեբյուտային ալբոմից
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկացի երգչուհի Բիլի Այլիշը YouTube-ում հրապարակել Է xanny երգի հոլովակը իր WHEN WE ALL FALL ASLEEP, WHERE DO WE GO? դեբյուտային ալբոմից: Ինքն Էլ հենց դարձել Է տեսահոլովակի ռեժիսորը, տեղեկացնում Է «Արմենպրես»-ը:
Սպիտակ պատերի եւ նստարանի ֆոնին երգչուհին երգում Է այն մասին, որ իր բոլոր ընկերները կյանքն անցկացնում են երեկույթներում: Այդ ժամանակ նրա դեմքին հանգցնում են ծխախոտի մնացորդները, ինչին Բիլին ոչ մի ուշադրություն չի դարձնում:
«Ես պասսիվ ծխող եմ, բայց առաջվա պես կոլա եմ խմում: Ինձ կսաննի (հանգստացնող պատրաստուկ) հարկավոր չԷ, որպեսզի ինձ լավ զգամ»,- ասվում Է կոմպոզիցիայի տեքստում: Մի քանի ժամում հոլովակը հավաքել Է ավելի քան 8 միլիոն դիտում, 1,2 մլն լայք եւ գրեթե 90 հազար մեկնաբանություն, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում