Դեկտեմբերի 6-ին սպասվող իրադարձությունները
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» պետական լրատվական գործակալությունը ներկայացնում է այսօր սպասվող իրադարձությունները:
ՀՀ պաշտպանության ոլորտում նախատեսված են մի շարք օրենսդրական փոփոխություններ: Այսօր՝ դեկտեմբերի 6-ին, դրանց հետ կապված մանրամասներ կներկայացնի ՀՀ պաշտպանության նախարարի տեղակալ Գաբրիել Բալայանը: Նա կխոսի նաև առաջիկա զորակոչից:
Ադրբեջանի հարցերով փորձագետ Տարոն Հովհաննիսյանը և քաղաքագետ Նարեկ Մինասյանը կանդրադառնան Հայաստանի և Ադրբեջանի ԱԳ նախարարների վերջին հանդիպմանը:
«City of smile/Ժպիտների քաղաք» բարեգործական հիմնադրամում դեկտեմբերի 6-ից կմեկնարկեն քաղցկեղ և արյան հիվանդություններ ունեցող երեխաների համար ամանորյա միջոցառումները։
ՀՀ ֆինանսների նախարարությունը կազմակերպում է սեմինար-քննարկում: Հանդիպմանը ներկա կլինի ՀՀ ֆինանսների նախարար Ատոմ Ջանջուղազյանը:
2020թ. ընթացքում Հայաստանում նախատեսվում է սննդի անվտանգության հարցերի հետ կապված իրականացնել իրազեկման միջոցառումերի լայնածավալ ծրագիր: Մանրամասներ կներկայացնի ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանը:
Հովհաննես Թումանյանի թանգարանում կկայանա Ամենայն հայոց բանաստեղծի «Հոբելյանական ընտրանի-150: Հատընտիր» գրքի շնորհանդեսը: Այն կազմել է Հովհաննես Թումանյանի թոռնուհին:
Այս և այլ թեմաների մասին կարող եք մանրամասն ընթերցել armenpress.am կայքէջում: Հետևեք մեզ նաև թվիթերում և ֆեյսբուքում:
Բաժանորդագրվեք մեր ալիքին Telegram-ում