1000х90.jpg (78 KB)

Երևանում՝ 11:07,   29 Մարտ 2024

Արայիկ Հարությունյանի պնդմամբ՝ իրենց իշխանության օրոք քաղաքական հետապնդումներ չկան

Արայիկ Հարությունյանի պնդմամբ՝ իրենց իշխանության օրոք քաղաքական 
հետապնդումներ չկան

ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարար Արայիկ Հարությունյանը պնդում է, որ իրենց իշխանության օրոք Հայաստանում քաղաքական հետապնդումներ չեն եղել, չկան և չեն լինելու: «Արմենպրես»-ի փոխանցմամբ՝ այս մասին Հարությունյանն ասաց դեկտեմբերի 5-ին, Ազգային ժողովում լրագրողների հետ զրույցում՝ անդրադառնալով ՀՀ երրորդ նախագահ Սերժ Սարգսյանին առաջադրված մեղադրանքից հետո Հայաստանի հանրապետական կուսակցության այն հայտարարությանը, որ Սարգսյանի նկատմամբ քաղաքական հետապնդում է իրականացվում:

«Հայաստանի Հանրապետությունում, առնվազն մեր իշխանության օրոք, քաղաքական հետապնդումներ չեն եղել, չկան և չեն լինելու»,- ասաց Հարությունյանը:

ՀՀ հատուկ քննչական ծառայությունում քննվող քրեական գործի նախաքննության ընթացքում ձեռք բերված բավարար ապացույցների համակցության հիման վրա ՀՀ նախկին նախագահ  Սերժ Սարգսյանին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար, որ նա, 2008 թվականի ապրիլի 9-ից մինչև 2018 թվականի ապրիլի 9-ը զբաղեցնելով ՀՀ նախագահի պաշտոնը, իր պաշտոնեական դիրքն օգտագործելով, 2013 թվականի հունվարի 25-ից մինչև նույն թվականի փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]