Անցկացվել է հայ-ռուսական միացյալ խմբավորման կիրառման փաստաթղթերի ճշտման աշխատանքային հանդիպում
16:11, 5 Դեկտեմբեր 2019
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ պաշտպանության նախարարությունում դեկտեմբերի 3-ից 5-ն անցկացվել է ՀՀ ԶՈՒ և ՌԴ ԶՈՒ զորքերի (ուժերի) միացյալ խմբավորման կիրառման փաստաթղթերի ճշտման (վերամշակման) աշխատանքային հանդիպումը:
Ինչպես «Արմենպրես»-ին հայտնեցին ՀՀ ՊՆ տեղեկատվության և հասարակայնության հետ կապերի վարչությունից, Հայաստան ժամանած ՌԴ հարավային ռազմական շրջանի աշխատանքային խմբի հետ անցկացված խորհրդակցությունների ընթացքում քննարկվել են կիրառման փաստաթղթերի ճշտման հետ կապված մի շարք հարցեր, առաջադրված խնդիրներին տրվել են դրական լուծումներ:
Հանդիպման արդյունքներով դեկտեմբերի 4-ին ստորագրվել է համատեղ արձանագրություն:
Բաժանորդագրվեք մեր ալիքին Telegram-ում